TRIOPO

Vi portas fidon, sed solidan fidon 

Je l’ Patro de ni ĉiuj, la Sinjoro? 

Li kreis ĉiun mondon, ĉiun idon, 

Kaj daŭre kreas el la propra Koro.

Esperon ankaŭ? Tenas vin espero 

Je l’ estonteco, en la man’ de Dio? 

Esperas hom’, ankoraŭ sur la Tero, 

Ke viv’ al li prosperos malgraŭ ĉio.

Kaj amon? Ĉu en kor’ l’ eterna flamo, 

Ardanta ĝis ĉielo de l’ ĉieloj? 

Reganto super ĉio, estas Amo 

“Motor’ de l’ sun’ kaj de l’ ceteraj steloj”!

5/8/1961 - JOZEF WASNIEWSKI

Libro: Mediuma Poemaro.

Porto Carreiro Neto.