quarta-feira, 4 de dezembro de 2013

ANTAŬEN!


Antikvaj Grekoj kantis la peanon, 
Ni kantu do similan kanton, fratoj. 
Kun ĉiu tag’ malnovan la Adamon 
De ni forviŝas teraj sortobatoj. 

Triumfu ni la venkon kaj per laŭroj 
La kapon ni ornamu, sen fiero, 
Ke per la volo nia Minotaŭroj 
Fortrotas de l’ supraĵo de la tero. 

Heroojn oni ekkonas per spirito 
Bravega ĉiam dum la sangbatalo. 
Ni estu bravaj antaŭ l’ Infinito, 
Sed ne forfalu antaŭ la Fatalo. 

Ni do memoru tempon de Spartanoj, 
Kaj estu fida voĉo nia kanto. 
Antaŭen, marŝ’!, al voj’, samideanoj, 
Ĝis fina venk’ de nia Esperanto! 

15/10/1960 / A. DOMBROWSKI
Libro: Mediuma Poemaro.
Porto Carreiro Neto.


Nenhum comentário:

Postar um comentário